جميعنا نعلم ان الموت قادم لا محالة وهذه الدنيا مؤقتة وزائلة والحياة الحقيقية الباقية الاخرة بعد الموت.
اني اتتطرق لموضوع يعلمه الجميع واريد ان اسال سؤال بالبداية:
عندما يموت احدهم نذهب للعزاء ونقول عظم الله اجركم ومنهم من يقول البقاء لله!
يعني الجميع يعلم ان البقاء لله فلماذا لا نعمل لآخرتنا بما اننا نعلم ذلك واننا سوف نصبح امواتا قريبا وتحت التراب والجميع سوف ينسانا وسوف نصبح ذكرى للبعض ليس اكثر وهذه الذكرى كل فترة وفترة ومع الوقت تتلاشى ويصبح شيء كأنه لم يكن.
خلينا نحكي بالعامية شوي
ليه اذن لسا بنفكر بالدنيا الفانية؟ ليه لسا بنركض وراء شهواتنا من امور تغضب الله من سماع اغاني، الغش، الخداع، الظلم، الكبر، اخلاف العهد، عقوق الوالدين وغيرها الكثير من المعاصي اللي ما الها نهاية كلها نتائجها السيئة بالدنيا قبل الاخرة!
اذا انت مآجل توبتك لبعدين .. فتذكر عقاب هاي المعاصي بالدنيا قبل الاخرة
فعقوق الوالدين.. يعني ما حتشوف توفيق لا بشغلك ولا بحياتك ولا باي شي
الظلم .. يأكل الحسنات ويمحق البركة ويجلب الويلات وكما تدين تدان وهو اشد العقاب
وهذا الظلم الشيء الوحيد الذي لا يؤجل عقابه فقط للاخرة وانما العقوبة بالدنيا قبل الاخرة
نهاية من لم يغض بصره على كل حرام ضعف النظر او مرض بالجفن وهنالك الكثير من القصص الواقعية.
نهاية السخرية من الغير وهو الاعاقة بحادث معين او امراض باليدين او اللسان او غيره حسب السخرية اذا كانت سخرية من طريقة المشي فالعقاب يكون بالارجل وهكذا..طبعا هاد العقاب مو اكيد هيك حيصير بالدنيا بس انا بقول الاغلب هيك بصير حسب القصص الواقعية اللي بنشوفها وبنسمعها وبناخد منها عبرة
ومع هيك لسا مو صاحين؟ شو بدكم يصير فيكم عشان تصحو؟
اذا صحبتكم مثلا مأثرة عليكم وبتخليكم تساووا معاصي بدون ما تحسو فبلا هالصحبة اللي ما حتفيدكم لا دنيا ولا آخرة
بالاخرة اذا كان الك صاحب متدين ممكن هاد الصاحب يشفعلك يوم القيامة فتخيل لما تكون صحبتك بالعكس شو ممكن يكون!
نصيحة مني الكل يصحى ويراجع حساباته منيح ويستغفر ويتوب وربنا غفور رحيم
اللي ما بصلي يصلي واللي ما بقرأ قران كمان يصير يقرأ القرآن الكريم.
خلينا شوي نقوي ديننا وايماننا وندعي ونتعمق بهادا الشي .. نفهم القران وآياته ومعانيه وتفسيره فاذا تعلمنا القران منيح حتصير حياتنا احسن وطريقنا منورة بأفعالنا
سجلو بدورات تجويد القران وفهمه
سبحوا وادعو واتذللوا لربكم رح تشوفو احلى شعور لما تكون واقف قدام ربك وتدعيلو انه يرضى عنك ويجعلك ممن يحبهم، ويحققلك اللي بدك اياه بعد توبتك واعمالك الصالحة وتحكي يا رب يارب يارب
خلينا كلنا دنيتنا تصير احلى بأفعالنا وعباداتنا خلينا على القليلة نرضى على افعالنا ونرضي ربنا عشان ربنا يرضى عنا ويحققلنا كل احلامنا
لا تستهينوا بأي عمل صالح صغير حتى لو طعميت قطة حتى لو حكيت بسم الله الرحمن الرحيم قبل الاكل وقبل ما تلبس وتطلع وتدخل وكلشي
صدقوني حيكون بعد هيك كلشي احلى كلشي بجنن
حتصير تصحى واتنام وانت مرتاح ومبسوط وبتتمنى من ربك الكريم اكتر واكتر
لانه بالآخر رح يجي اليوم اللي تترك فيها هاي الدنيا وما يضل الا اعمالك وافعالك اللي حتكون الشي الوحيد اللي حينفعك بآخرتك لا الناس اللي حتنفعك ولا اهلك ولا شي .. بس انت وافعالك
اسأل الله الهداية لنا ولكم آمين
