التربية

هو صحيح في شخص بيلفت نظره الشكل و شخص بيلفت نظره اللبس و شخص تاني الثقافة ..
بس الحاجة الوحيدة اللي بتلفت نظر اي حد و بتخليه يسكت و ميبقاش عارف يتكلم هي التربية ..
الناس المتربية اللي بيقولوا شكرا و بيعتذرولك لو خبطوا فيك و لو شافوك تعبان ممكن يقعدوك مكانهم ف المواصلات ..

اللي لو شافوك زعلان و مش حابب تحكي بيحاولوا يخففوا عنك من غير ما يجبروك تحكي حاجة مش حابب تحكيها ..

الناس اللي بيضحكوا ف وشك الصبح و بيدعولك دعوة حلوة بعد يوم طويل و متعب ..

اللي ممكن تشوفهم دقيقتين بالظبط ف اليوم .. بس يغيرولك مودك و يخلوك فرحان ..

اللي بيتجاهلوا سخافة العالم اللي حوالينا و بيصمموا يحافظوا علي شوية التربية اللي باقية جواهم و يتعاملوا بيها مع الناس من غير ما يقولوا " اصل احنا ف زمن مينفعش فيه الذوق " ..