كتير لما نتكلم عن الحجاب الشرعي
او اللحية بالنسبة للرجال
بنسمع ناس بتقول الدين مش بالمظهر
الدين بالايمان اللي في القلب
او المهم اللي في قلب كل واحد
و بنسمع كمان اللي بيقول اصلكم خدتوا القشر من الدين
و نسيتوا اللب و الحاجات المهمة
هل فعلا الكلام ده صحيح!!!
هل فعلا الاسلام ينقسم لظاهر و باطن؟
او بمعني تاني هل الدين قشر و لب؟
تعالوا نفكر كده بالراحة
لو عندنا فاكهة من غير قشرة
لو وقعت على الارض هيحصلها ايه؟
اكيد هتتوسخ و مش هنرضى نأكلها
تمام...
يعني القشرة دي جزء مهم من الفاكهة دي
بحيث انها بتحميها من اي اضرار خارجية
يعني القشرة دي تحافظ على لب الثمرة
و لو معندهاش قشرة اللب بتفسد بسرعة
تمام كده ... نرجع لكلامنا
يقول الشيخ محمد بن صالح العثيمين:
من بدع هذا العصر تقسيم الدين الى لب و قشور
ناس كتير جعلت اللبس من القشور
و نسيوا ان القشور تحافظ على اللب
و اللبس يحافظ على القلب
بحيث ان البنت الملتزمة بالزي الشرعي
الشباب بيحترموها و مش هيحاولوا يكلموها
لانها حَصّنَت نفسها ... يعني كانها بَنَت سور حولها
و كمان اللحية بالنسبة للشباب بتحافظ على قلوبهم
و بتبعد عنهم فتنة النساء...
بحيث ان البنت لما تشوف شاب ملتحي
بتبقى عارفة انه بيحاول يقتدي بسنة رسوله صلى الله عليه و سلم
و انه بيحاول الالتزام فمش هتكلمه
و على كده فصلاح الظاهر يؤدي الى صلاح الباطن
باذن الله تعالى
و العكس طبعا صحيح
اي ان فساد المظهر يؤدي الى فساد الباطن
و الامثلة من ده كتير
يبقى مفيش حاجه في الاسلام اسمها لب و قشر
فالدين كله لب، و كله نافع للعبد
وكله يقربه لله عز وجل وكله يثاب عليه المرء
اذا كان الانسان يفعلها تقربا لله عز و جل
واتباعاً لرسوله صلى الله عليه وسلم
يا رب ثبتنا على الصراط المستقيم
واصلحنا
واصلحنا
واجعلنا من اهل الجنة
No comments:
Post a Comment